Afioga Safuneitu'uga Pa'aga Neri : Minisita o Feso'ota'iga, Fa'amatalaga ma Feso'ota'iga Vavave Fa'aneionapo.
Isi Matagaluega: SamoaTel, Ofisa Pule Faatonu o Mataupu tau Fesootaiga, Samoa Post
O le tausaga e 2006 na tofia aloaia ai le Afioga ia Safuneituuga Paaga Neri e avea ma Minisita o Fesootaiga ma Fesootaiga Vavave Faaneionapo.
O lenei tofiga i tiute ma malosiaga faale-tulafono o le Minisita o loo faamautuina i lalo o le Tulafono o Auaunaga Tau Meli ma Fesootaiga 1999, Vaega II (7) e faapea;
1.O le a iai i le Minisita le pulega aoao ma le faatonuina o mataupu uma e Faasino i galuega tau meli ma fesootaiga ae o gatasi ma le fautuaga a le Malo.
2.Mo faamoemoega i le tauaveina o ana matafaioi, e mafai e le Minisita ona-
a)Tuuina atu ni faatonuga i mataupu Faasino i meli ma fesootaiga i le aufaigaluega a le Matagaluega e pei ona ia manatu ua talafeagai i fesootaiga ma le faafoeina o lenei tulafono poo se isi lava tulafono o loo faafoeina e le Matagaluega.
e)Ia mautinoa e faapea o le tagata ua laiseneina e tuuina atu galuega faatino oloo galue ma usitaia faiga faavae a le malo i galuega tau meli ma festootaiga ma o loo usitaia tuutuuga o le laisene e pei ona tuuina atu i lalo o le Tulafono.
i) Faatinoina o pule e pei ona faaeeina atu ia te ia e Vaega o le Tulafono o Falemeli 1972 e faapea o loo faaauau pea ona faamalosia ina ua tuanai le aso e amata ai le Tulafono.
o) Tuuina atu o se faatagana i le tagata ua laiseneina e tuuina atu galuega faatino e pei ona faasinomia iai le palakalafa (c); ma
u) Faatinoina o soo se isi pule e pei ona o le a tatau ma talafeagai i le faatinoina lelei o matafaioi a le Minisita ma le tuuina atu o soo se pule i soo se sui o le aufaigaluega o le Matagaluega.
E le gata la i lea a o loo iai foi i le Minisita le pule faaletulafono e tuuina atu ai laisene mo auaunaga tau- faasalalauga. O lenei matafaioi na faaopoopo mai ina ua faatinoina le toe fetuunaiga o Matagaluega uma a le Malo i Pulega ma Matafaioi Autu i le tausaga e 2003.
E faapea foi ona iai i le Minisita le pulega mo le Vaega mo le Atina’e tau Fesootaiga i Faamatalaga ma Fesootaiga Vavave Faaneionapo. ICT Secretariat).