O le Afioga Lefaoalii Unutoa Auelua-Fonoti o le Fa’auluuluga lea o le Matagaluega o Feso’otaiga ma Fa’amatalaga Fa’atekonolosi. O le afioga ile Tamaitai Pule e susu mai alalafaga nei, Mutiatele, Lotopue ma ua fa’asuafaina i le suafa Lefaoalii mai le Afioaga Lepa.

O Lefaoalii ua maea suesueina ma ua maua ona fa’ailoga maualuluga mai le Iunivesite o Kuinisilani, Pirisipeni, Ausetalia. Ma sa fa’auu foi ona fa’ailoga fa’ainisinia aemaise ai lona tipiloma mai le Iunivesite Melepone (RMIT), Ausetalia lava.

O ia o le Taitaifono o le Komiti mo Atinaeina o Fesootaiga a le APT. Sa avea o ia o le tamaitai muamua ma o le Samoa muamua foi lea e fa’auluulu iai le Ofisa o le Pule Fa’atonu mo Feso’otaiga, Fa’asalalauga, Falemeli ma Eletise. Sa avea foi ma Fa’auluuluga o le Fa’a TV ua fa’aigoaina o le Samoa Digital Company Ltd.

Ua atoa nei le 20 tausaga o galue i le Malo ma Fa’alapotopotoga Tumaoti o se inisinia. E iai foi totonu o le Komiti Fa’atonu o le Toomaga mo e Puapuagatia.

O le Afioga Lefaoalii e toa lima (5) ona alo ma o se tagata lotu o le Ekalesia Katoliko Saleufi.