Galuega Fa’atino:O nisi nei o galuega fa’atino a le Vaega o Faiga Faavae ma Fuafuaga:
• Fa'atino su'esu'ega i mataupu o lo’o moomia mo le fausiaina o faiga faavae mo i latou oloo faia fa'ai'uga i mataupu tau feso’ota’iga o lo'o mo'omia ai se faaiuga vave ma lelei.
• Tapena Faiga Fa'avae ma Fuafuaga talafeagai i se tulaga e faigofie ona malamalama ma faigofie lona fa’atinoina.
• Fa’atalanoa ma feutana'i ma pa'aga e aofia ai fa’alapotopotoga ma itutino uma o le Malo mo le silafia o fuafuaga o lo’o agai iai le Matagaluega, aemaise le aoina mai o manatu mo le faaleleia atili o ia vaega.
• Mata’itu ma iloilo vaega moomia i le fa’atinoina o manaoga o Faiga Fa’avae ma Fuafuaga ua mae’a ona fa’ata’atiti mo le fa'aleleia atili ma mautinoa o lo’o ogatasi ma taimi fa’atulagaina.
• Iloilo Faiga Fa’avae, Taiala ma Fuafuaga fa’ataatitia i le mae’a ai o taimi faatulagaina ina ia mautinoa o loo talafeuga ma suiga fou, aemiase o manaoga fa’aletulafono ma manaʻoga o loʻo tulaʻi mai mo le Vaega o Faamatalaga ma Fesootaiga.
• Tapena Fa'amatalaga mo Faiga Fa'avae a le Malo agai i Faiga Fa'avae fou/ma Faiga Fa’avae o lo’o o iai ile taimi nei, Tulafono fou/po'o Tulafono o lo’o iai le taimi nei i totonu o le Vaega Maoti o Fa'amatalaga ma Feso'ota'iga Tekonolosi.
• Fa'alauiloa Faiga Fa'avae ma Ta'iala fou ina ia mautinoa o lo'o nofouta uma pa’aga i suiga o lo'o tutupu ile vaega ole Vaega Maoti o Fa'amatalaga ma Feso'ota'iga Tekonolosi.

Mo le faitauina o a matou Faiga Fa'avae, Tulafono, Ta’iala, ma isi Ripoti e fa'atatau i feso'ota'iga ma fa’amatalaga tekonolosi, fa'amolemole silasila ane i le vaega o fa'asalalauga o la matou 'upega tafa'ilagi. Ole Vaega ole Pulea ole Alaleo, Laisene ma le Mata'ituina ua faatuina nei e avea ma Ofisa o le Pule Faatonu, tutoatasi mai le Matagaluega o Feso’ota’iga ma Fa’amatalaga Tekonolosi. Mo nisi fa’amatalaga e fia malamalama atili ai i fa’amaumauga ma auaunaga fa’a-le-pulega fa’atonu, e mafai ona asiasi i la latou upega tafailagi - www.regulator.gov.ws