Broadcasting Services Division – Ministry of Communications & Information Technology

Itulau Muamua
/
Matou Tautua
/
Vaega o Fa'asalalauga

ĀLĀLEO O LE 2AP (“Si’ufofoga o Samoa”)

O le ulua’i alaleo lenei i le tala faasolopito o le atunuu sa faavaeina i le 1947. I le taimi nei, oloo vaaia lenei auaunaga e le Matagaluega o Feso’ota’iga ma Faamatalaga Televavave Faaneionapo talu mai le 2008. O le va’aiga taula’i a le Mālō mo le alaleo o le avea lea ma puna’oa autu i le tuuina atu o faamatalaga, fautuaga, lapata’iga ma saunoaga aloaia i le atunuu. E le gata i lea e avea ma fola o fesoota’iga e faalauiloa ai taaloga ma isi faamoemoe tetele a le Malo e ala i faasalalauga tu’usa’o.

Ala Ata a le Malo – TV9

Talu ai ua manatu le Malo ina ia faaaoga ‘au’aunaga faatekonolosi faanaeionapo ina ia faigofie ai auaunaga mo le atunuu, o le toe faatuina o lana Ala Ata o se faamanatu i le taua ma le faamuamua oloo ave pea ina ia silafia e le atunuu faasologa o galuega ma atina’e a le Malo. Ua faaaogaina o le TV9, o le a tuuina uma atu ai auaunaga oloo faaaogaina e le Ala Leo o le 2AP.

LAPATA’IGA MA FAUTUAGA I TAIMI O FAALAVELAVE FAAFUASE’I

O le ala leo lenei ua aloaia e tuuina atu ai fautuaga, taualumaga ma faamatalaga tuli tatao mo taimi o faalavelave faa-le-natura. O le naunauta’iga o lenei ‘aua’unaga tau faasalalauga a le Malo ina ia tuuina atu faamatalaga ma le māgafagafa i aafiaga, sa’o ma atoatoa i taimi o soo se faalavelave faa-le-natura ma soo se poloa’iga o faalavelave faafuasei. E taua tele lea ina ia maua e le atunuu faamatalaga taua e ala i ripoti ma faasalalauga e tuu atu.

Faalauiloaina Faiga Fa'avae

O le matafaioi lea fito i tonu lea a Auaunaga Tau Faaslalauga a le Malo (2AP & TV9) o le galulue faatasi ma Matagaluega a le Malo e tuuina atu ripoti ma faasalalauga faalauiloa o faiga faavae a le malo ma isi ana atina’e mo le silafia e le atunuu oloo ālala ma pāpā aao i Samoa nei ma atunuu i fafo.

Talafou

O tulaga faavae o le faatinoina o le auaunaga a tusitala ma le au faasalalau a le ālaleo ma le āla ata a le Malo oloo lima ta’ita’iina e le Taiala o le Faatinoga o Galuega a Tusitala ma Ofisa Faasalalau 2017. O le tiute faaletulafono a auaunaga a le Malo ina ia maoa’e le faatinoga ma mulimulita’ia nei taiala o talafou ma faamatalaga.

'Au'aunaga a le Vaega o Maketi

O le auaunaga lenei e faavae i’uga ma le fuafuaga o ana galuega ina taumafai e faasaoina seleni a Vaega ta’itasi a le Matagaluega e ala i fuafuaga tusitusia, faasoa atu ma le tufatufaina atu o faalauiloa i le alaleo ma le ala ata a le Malo mo le atunuu.

O se auaunaga foi e faamoemoe ai ālāmanuia a le Vaega o Faasalalauga i le siitia lea o tupe maua mai le faalauiloaina o faasalalauga tau pisinisi, faaamautu faamatalaga o auaunaga a le Malo ma pisisinisi tuma’oti.

E matou te galulue sootau’au ma le ‘au faipisinisi i faiga talafeagai e faalauiloa ai oloa ma auaunaga.

Matou te tuufaatasia foi faalauiloa e fai ma faitotoa i faamoemoe tetele e pei o le Eseta, Aso Tinā, Aso Tamā ma le Aso o le Fanau, mo soo se pisinisi e faatino ai a latou auaunaga.

O Amerika Samoa le isi a matou pa’aga i polokalame e auai mai ai ona oloo māua ma iai le auaunaga a le 2AP ma isi fola faafetekonolosi faaneinaopo.

Oloo mafai foi ona tuuina atu faasalalauga a le 2AP i luga o telefoni feavea’i ua faaigoaina o le Zeno. Oloo mafai foi ona o’o atu i Toelau le auaunaga a le 2AP ma ua faalautele ai le auaunaga e silafia ai e soo se tagatanuu o Samoa oloo aumai i fafo nei auaunaga.

O le polokalame o Pese Molimanao i le itula e 10 i le po ta’itasi oloo lauiloa ai le leitio 2AP. Feso’ota’i nei loa se sui o la matou vaega e faatalanoa sou avanoa e faalauiloa ai lau pisinisi poo la outou Matagaluega.