Afioga Toelupe Poumulinuku Onesemo na tofia e avea ma Minisita o Feso’otaiga ma Fa’amatalaka Fa’atekonolosi, Ofisa o le Pule Fa’atonu, Falemeli ma Fa’asalalauga ma le Ofisa o le Fono Aoao o Samoa mai le aso 24 Me 2021.

O le Afioga Toelupe na a’oa’oina i le Univesite o Uelese i Saute, Sini Ausetalia ma fa’ae’e iai ona tusi pasi maululuga mo mataupu tau Inisinia, aemaise ai lona fa’ailoga muamua i galuega fa’ainisiania lava. Sa fa’au’uina ma maua isi ona fa’ailoga taualoa mai le Univesite o le Pasefika mo mataupu tau numera, fisiki ma faituaga o numera.

O le Afioga ile Minisita, sa avea ma se faiaoga ile amataga o le 90 i Samoa maAmerika Samoa. Sa avea ma inisinia ile Matagaluega o Galuega Tetele a le Malo o se Tagata Faigaluega e vaaia Aseta a le Malo.

Ina ua maea lana sikolasipi i Sini, Ausetalia sa faigaluega ma avea ma faufautua i galuega fa’ainisinia i Sini, Pirisipeni. Sa toe taliu mai Samoa 2014, ma avea ai ma Pule Lagolago o le Vaega o lo’o Fuafuaina Taulaga (PUMA) i le Matagaluega o Puna Oa ma Siosiomaga.

I le tausaga 2015, sa tofia ai le Afioga Toelupe e avea ma Fa’auluuluga o le Matagaluega mo Galuega Tetele a le Malo mo tausaga e tolu (3), ma maua ai lona naunautaiga e ofi atu i faiga fa’a-polokiki.

O se Tamaalii e mausali lona talitonuga Fa’aKerisiano ma o lo’o tautua i le Ekalesia Fa’apotoptotoga Kerisiano Samoa.